Dieđut mánáide ja nuoraide
Iskka movt Siviilaáittardeaddji sáhttá veahkehit du gii leat mánná dahje nuorra
Váidinveahkki mánáide
Buot mánáin ja nuorain lea vuoigatvuohta gullojuvvot buot áššiin mat gusket sidjiide. Dus lea riekti dadjat maid don jurddašat ja oaivvildat dan birra mii duinna dáhpáhuvvá. Sáhtát váidalit Siviilaáittardeaddjái jus du eai leat guldalan áššis mii guoská earret eará du dearvvašvuhtii, skuvlavázzimii dahje movt dus lea dilli institušuvnnas.
Oktavuođaskovvi mánáide ja nuoraide
Ovdamearkkat maid don sáhtát váidit
Mun lean vuordán ihána guhká vástádusa iežan ohcamii beassat leat Norggas.
Amina, 14 jagi
Institušuvnna bargit eai divtte mu atnit iežan mobiilla.
Andrine, 16 jagi
Váhnemat bággejit mu lonuhit skuvlla vaikko mun in háliit.
Lars, 12 jagi
PPT psykologa lea čállán juoidá mu birra mii ii leat riekta.
Anne, 12 jagi
Mun leat ožžon mearrádusa earenoamášoahpahusa birra, muhto mun in háliit dan.
Maria, 15 jagi
Politiijat burge mu gáhta alde. Dat lei hui unohas, ja mun in lean dahkan maidege boastut.
David, 13 jagi
Maid don sáhtát váidit?
- movt du dilli lea institušuvnnas
- almmolaš bargiid bággemiid
- Mánáidsuodjalusbálvalusa
- dearvvašvuođaveahki maid oaččut
- ahte it oaččo dan dearvvašvuođaveahki maid dárbbašat
- jávohisvuođageaskku rihkkuma
- skuvlafálaldaga ja movt dus lea dilli skuvllas
Lea buoremus váidit Stáhtahálddašeaddjái álggos. Jus it leat duhtavaš Stáhtahálddašeaddji vástádusain, de sáhtát váidit Siviilaáittardeaddjái. Jus leat eahpesihkkar geasa sáhtát váidit, de váldde oktavuođa minguin.
Maid it sáhte váidit?
- lupmaruđa
- šearbmaáiggi
- skihpáriid
- gávppiid
- duomu/duopmostuolu
Mii dáhpáhuvvá go don váiddát?
1. Mii geahččat du váidaga
Mii geahččat du váidaga, muhto sáhttá ádjánit moadde beaivvi ovdal go oaččut vástádusa.
2. Don oaččut vástádusa iežat váidagii
Dakka viđe go mii leat geahččan du váidaga, de oaččut vástádusa mis. Mii váldit oktavuođa duinna hupmat mii dáhpáhuvvá viidáseappot.
3. Mii dáhpáhuvvá viidáseappot?
Jus mii oaivvildit ahte soames lea bargan boastut du áššis, sáhttit mii bivdit sin njulget dan.
Dárbbašat go soapmása geainna humat?
Riŋge dahje chatte Kors på halseniin!
Váldde oktavuođa minguin oktavuođaskoviin jus don leat eahpesihkar maid son sáhtát váidit midjiide.
Jus háliidat sáddet čálalaš váidaga, de sáhtát deavdit min váidinskovi.