Dán sáhtát don váidit
Siviilaáittardeaddji meannuda váidagiid mat gusket sihke stáhtalaš, gielddalaš ja fylkkagielddalaš hálddašeapmái. Sáhtát váidit jus oaivvildat muhtun hálddašanorgána lea boasttuvuođa dahkan.
Ovdal go sáhtát váidit Siviilaáittardeaddjái, de fertet leat geavahan buot eará váidinvejolašvuođaid. Dat mearkkaša dábálaččat ahte don fertet vuos váidit dan hálddašanorgánii mii lea dahkan mearrádusa.
Dieđuid iežat váidinvejolašvuođaid birra gávnnat don vuolemusas mearrádusas.
Jus it leat álggos váidán hálddašanásahussii, de mii dábálaččat hilgut váidaga.
Máid sáhtát don váidit?
Don sáhtát váidit siviilaáittardeaddjái jus oaivvildat ahte
- ahte don leat ožžon boasttu mearrádusa, ovdamearkka dihte mearrádusa hálddašanorgánas
- du ášši lea meannuduvvon boasttu láhkái
- don it leat ožžon vástádusa hálddahusas
Guđiid surggiide gusket váidagat?
Siviilaáittardeaddji meannuda váidagiid eanas surggiid siskkobealde almmolaš hálddašeamis, earret eará:
- bággema ja fámu geavaheapmi ovttaskas olbmuid vuostá
- digitála hálddašeapmi
- mánáid vuoigatvuođat
- luondu ja biras
- dearvvašvuohta- ja fuolahusbálvalusat
- olgoriikkalašáššiid
- almmolašvuohta ja geahččanlohpi
- oadju ja penšuvdna
- Suodjalus
- sosiálaveahkki
- rihkusfuolahus
- politiija ja áššáskuhttieiseváldi
- ealáhus, eanadoallu ja boazodoallu
- plána- ja huksenáššiid
Dasa lassin meannuda siviilaáittardeaddji váidagiid jus it leat ožžon vástádusa, Muhtun dáhpáhusain meannudit mii maiddái váidagiid mat gusket guhkes áššemeannudanáigái hálddahusas.
Movt vuoruha siviilaáittardeaddji?
Mii geahčadit buot váidagiid mat bohtet, muhto mis lea ráddjejuvvon kapasitehta iige leat vejolašvuohta guorahallat buot áššiid.
Mii vuoruhit áššiid mat sáhttet eastadit vuoigatmeahttunvuođa, ja main lea stuorra mearkkašupmi ovttaskas olbmuid dahje servodahkii.
Áššešlájat maid mii vuoruhit
Áššit main lea stuorra mearkkašupmi váidái, earenoamážit
- áššiid main lea mearkkašupmi riektesihkarvuhtii
- áššiid main lea stuorra mearkkašupmi buresveadjimii dahje persovnnalaččat
- váidagiid joavkkuin mat leat rašit dahje main eai leat resurssat
- áššiid mat gusket friddjavuođarivvemii ja bággemii
Prinsihpalaš áššiid, earenoamážit go
- áššis sáhttá mearkkašupmi ollugiidda
- áššis vuhtto vuogádatboasttuvuohta
- áššis lea gažaldat mii lea boargáriidda dehálaš divvut dahje čielggasmahttit
- ášši guoská oppalaš hálddašanriektái dahje EEO-geatnegasvuođaide
Áššiid main lea stuorra mearkkašupmi servodahkii, earenoamážit
- áššiid rabasvuohta hálddahusas
- áššiid olmmošvuoigatvuođaid birra
- áššiid main lea mearkkašupmi vuođđolágas suodjaluvvon vuoigatvuođaide, dego cealkinfriddjavuohta, vuoigatvuohta birrasii ja mánáid vuoigatvuođat
Áššešlájat maid mii vuoruhit vuollelii
Muhtun áššit eai vuoruhuvvo, dahje meannuduvvojit hárve. Loga eambbo: Dán it sáhte váidit