Mu siidu (Dárogillii)

Váidin siviilaáittardeaddjái

Jus don oaivvildat almmolaš hálddahusa mearrádus lea boastut, dahje ahte du ášši ii leat meannuduvvon rievttes láhkái, de sáhtát váidit midjiide. Fuomáš ahte ii leat vuoigatvuohta oažžut váidaga iskojuvvot vaikko váiddaskovvi leage devdojuvvon riekta. Siviilaáittardeaddjái oažžu ollu váidagiid. Mii mearridit ieža guđet váidagat galget iskojuvvot ja mainna lágiin.

    • Ovdal go don sáhtát váidalit Siviilaáittardeaddjái, de fertet leat geavahan buot eará váidinvejolašvuođaid.
    • Dábálaččat mearkkaša dat ahte don vuos fertet váidit dan hálddašanorgánii mii lea mearrádusa dahkan.
    • Dieđuid du váidinvejolašvuođaid birra gávnnat vuolemusas mearrádusas.
    • Jus it leat váidán hálddašanorgánii álggos, de mii dábálaččat hilgut váidaga.
    • Jus du váidda guoská guhkes meannudanáigái dahje váilevaš vástádussii, de sáhtát váidit dalle go ášši ain lea meannuduvvome, muhto don fertet vuos leat muittuhan.
    • Hálddašanorgána ferte leat ožžon govttolaš áiggi vástidit muittuhusa. Mii lea govttolaš áigi rievddada áššis áššái. Guokte vahkus gitta njealji vahkkui lea dábálaš.
    • Mii bivdit du muittuhit guovtte geardde.
    • Muittuhusat galget leat čálalaččat ja biddjojuvvot mielddusin váidagii Siviilaáittardeaddjái.
    • Don fertet váidit siviilaáittardeaddjái ovdal go jahki lea gollan maŋŋil go loahpalaš mearrádus lea dahkkon du áššis.
    • Fápmudusas ferte leat dáhton ja vuolláičála, ja galgá čielgasit čájehit ahte dus lea lohpi váidit Siviilaáittardeaddjái dán áššis.
    • Váldeguoddi dárbbaša váldeguoddefápmudusa.
    • Don it dárbbaš fápmudusa jus don leat váhnen gii váiddát vuolleahkásačča ovddas, dahje jus don leat advokáhtta.

  • Áššit mat leat olggobealde Siviilaáittardeaddji bargosuorggi:

    • priváhta fitnodagaid váidimat
    • duopmostuoluid mearrádusat ja doaimmat
    • áššit maid Stuoradiggi mearridan
    • priváhta olbmuid gaskasaš soahpameahttunvuođat, ovdamearkka dihte nákkut ránjádiliin dahje priváhta šiehtadusdilliin
    • áššit maid sáhttá váidit Stuoradikki dutkama-, vákšuma- ja sihkkarvuođabálvalusa bearráigeahččanlávdegoddái (EOS-utvalget, Stortingets kontrollutvalg for etterretnings-, overvåkings- og sikkerhetstjeneste)
    • mearrádusat mat leat dahkkon stáhtaráđis
    • muhtun gielddastivrra dahje fylkkadikki mearrádusat
    • Bija mearrádusa maid váiddát mielddusin, ja vejolaččat eará guoskevaš dokumeanttaid.
    • Čuovo váiddaskovi bagadusaid.
    • Čále čielgasit manne don leat vuostemielalaš mearrádussii.

  • Mana Mu siiduii ja deavdde váiddaskovi ja sádde váidaga. Doppe sáhtát maiddái čuovvut váidaga stáhtusa ja sáddet dokumeanttaid maŋŋil.

    Logge sisa ID-porteniin (ID-verráhiin)

    Ii go leat elektrovnnalaš-ID dus? Dalle sáhtát geavahit váiddaskovi vaikko it leat loggejuvvon sisa:

    Mana váiddaskovvái

    Don sáhtát maiddái sáddet váidaga reiven poastta mielde. Sádde reivve deike:

    Sivilombudet

    Postboks 3, Sentrum, 0101 Oslo