Váidaga meannudeapmi

1. Mii vuostáiváldit du váidaga.
2. Áššemeannudeaddji árvvoštallá sáhttit go mii meannudit ášši
3. Don oaččut dieđu mis ovdal go gollet golbma vahku. Jus mii sáhttit meannudit du ášši, de mii dieđihit dutnje goas don sáhtát vuordit eanet vástádusa. Mii sáddet vástádusa du digitála poastakássii, ovdamearkka dihte Digipostii.
4. Siviilaáittardeaddji árvvoštallá buot váidagiid, muhto lea unnán kapasitehta. Mii eat sáhte dađi bahábut iskat buot áššiid.
5. Siviilaáittardeaddji mearrida leago ágga meannudit ášši. Loga eambbo guđiid áššiid mii vuoruhit dás.
6. Jus mii mearridit iskat du ášši lagabuidda, de váldit mii oktavuođa hálddahusain.
7. Ášši guorahallojuvvo, ja don beasat buktit cealkámuša.
8. Mii dieđihit earáide geaidda ášši guoská ja sii besset buktit cealkámuša.
9. Guorahallan čuovvu kontradikšuvdnaprinsihpa. Dat mearkkaša ahte hálddašanorgána beassá oaidnit du váidaga ja vejolaš ođđa cealkámušaid dus.
10. Earát sáhttet oažžut lobi geahččat du váidaga ja reivviid maid mii sáddet. Mii almmuhit main eai leat dieđut maidda guoská jávohisvuođageasku olles teavsttain eInnsyn:ii.
11. Loahpalaččat árvvoštallá Siviilaáittardeaddji ášši.

Mildosiid sádden maŋŋil

Jus don fertet sáddet eanet mildosiid maŋŋel go mii leat meannudišgoahtán ášši, de dagat dan Mu siiddu bokte dahje geavahat váiddaskovi. Muitte čállit iežat áššenummara.

Man guhká ádjána?

Áššemeannudanáigi rievddada, muhto don oaččut ođasmahttimiid dađistaga.

Earát geaidda ášši guoská

Mii dieđihit earáide geaidda ášši sáhttá váikkuhit, ja addit sidjiide vejolašvuođa buktit cealkámuša jus váidda guoská sin vuoigatvuođaide dahje dehálaš beroštumiide.

Maid sáhttá Siviilaáittardeaddji dahkat?

Jus áššis lea ágga dahkat dan, de sáhttá Siviilaáittardeaddji:

• čujuhit boasttuvuođaide ja dadjat ahte mearrádus lea fámoheapme, eahpegovttolaš dahje rihkku buori hálddašanvieru
• fuomášuhttit hálddahussii váilevašvuođaid lágain, njuolggadusain dahje čađaheamis
• iskat movt hálddahus meannuda áššiid ja čađaha válddi
• bivdit hálddahusa njulget boasttuvuođaid dahje meannudit ášši ođđasit

Áššiin maid mii guorahallat lagabuidda, sáhttit mii árvvoštallat ja addit cealkámuša. Mii eat sáhte rievdadit mearrádusaid dahje geatnegahttit hálddahusa dahkat juoidá, muhto eatnasat čuvvot min rávvagiid čađaheamis.