Dás gávnnat don vástádusaid dábálaš gažaldagaide váidima birra Siviilaáittardeaddjái.
Jus don oaivvildat ahte almmolaš hálddahusa mearrádus lea boastut, dahje ahte du ášši ii leat meannuduvvon rievttes láhkái, de sáhtát sáddet midjiide váidaga. Ovdal go sáhtát váidit midjiide, de fertet vuos leat geavahan buot eará váidinvejolašvuođaid.
Loga eambbo:
Lea. Váidináigemearri lea jagi. Áigemearri rehkenastojuvvo dan beaivvi rájes go hálddahus lea loahpalaččat mearridan ášši.
Jus váidalat dihto mearrádusa, de lea dehálaš ahte bijat mielddusin kopiija mearrádusas. Bija áinnas mielddusin kopiijaid eará dokumeanttain mat čilgejit áššedili, erenoamážit hálddahusa reivve dahje dokumentašuvnna. Jus váiddát váilevaš vástádusa dahje maŋŋonan áššemeannudeami, de galggat bidjat mielddusin kopiijaid čálalaš muittuhusain dan doaimmahussii man váiddát. Mii bivdit du muittuhit guovtte geardde.
Juohkehaš sáhttá váidit Siviilaáittardeaddjái. Sáhtát maiddái oažžut soames eará sáddet váidaga du ovddas. Dalle fertet bidjat fápmudusa mielde man mas čielgasit boahtá ovdan ahte sus lea fápmudus eará olbmui váidit ášši du bealis Siviilaáittardeaddjái. Advokáhtat eai dárbbaš fápmudusa váidit áššehasa bealis. Journalisttat eai dárbbaš fápmudusa váidit mediaásahusa bealis.
Áššemeannudeaddji sáhttá bagadallat guđelágan áššiid Siviilaáittardeaddji meannuda ja movt galggat čállit váidaga. Mii eat bagadala rievttálaš gažaldagaid birra. Bagadallan lea dábálaččat telefovnnas.
It. Ovdalgo váiddát Siviilaáittardeaddjái galggat leat geavahan buot váidinvejolašvuođaid hálddahusas. Don fertet vuos váidit mearrádusa dan hálddašanorgánii mii lea mearrádusa dahkan, ja vuordit sin váiddagieđahallama vástádusa.
Siviilaáittardeaddji ii sáhte rievdadit mearrádusaid dahje geatnegahttit eiseválddiid dahkat maidege, muhto eanas dáhpáhusain čuvvot eiseválddit Siviilaáittardeaddji cealkámuša.
Ii. Lea nuvttá váidit Siviilaáittardeaddjái.
Juo, jus váiddát digitálalaččat, de fertet geavahit Siviilaáittardeaddji váidinskovi.
Mana Mu siidui ja deavdde váidinskovi ja sádde váidaga. Dáppe sáhtát maiddái čuovvut váidaga stáhtusa ja sáddet dokumeanttaid maŋŋil.
Logge sisa ID-porteniin (ID-verráhiin)
Iigo dus leat elektrovnnalaš ID? Dalle sáhtát don geavahit váidinskovi vaikko it leat loggejuvvon sisa:
Mana váidinskovvái
Don sáhtát maiddái sáddet váidaga reiven midjiide poastta mielde. Sádde reivve deike:
Sivilombudet
Postboks 3, Sentrum, 0101 Oslo
Don oaččut dieđu ruovttoluotta ovdal go golbma vahku leat gollan. Jus mii sáhttit meannudit du ášši, de oaččut dieđu goas don sáhtát vuordit eanet vástádusa mis. Jus Siviilaáittardeaddji lea juo gieđahallan du ášši, de don fertet rehkenastit ahte ádjána guhkit.
It. Don sáhtát ieš váidit Siviilaáittardeaddjái.
Buohkat sáhttet bivdit lobi geahččat váiddaášši. Dat mearkkaša ahte earáin sáhttá leat vuoigatvuohta beassat geahččat du váidaga. Muhtun áššesurggiin, mat gusket ovdamearkka dihte plána- ja visteriektái, birasriektái, almmolašvuhtii ja geahččanlohpái, guolástussii ja eanandollui, mii almmuhit Siviilaáittardeaddji reivve ollislaččat eInnsyn.no neahttabáikkis. Dábálaččat oidno váidi namma ja áššenamma mii čájeha masa váidda guoská min almmolaš journálas. Mii eat almmut dieđuid main lea jávohisvuođageaskku dahje maidda almmolašvuohta ii sáhte gáibidit geahččanlobi.
Go Siviilaáittardeaddji iská ášši, de Siviilaáittardeaddji dieđiha goalmmátolbmuide geaidda guoská ja addá sidjiide vejolašvuođa cealkit váidaga birra mii guoská sin riektedillái dahje eará deaŧalaš beroštumiide. Dát čuožžu siviilaáittardeaddjelágas § 10. Goalmmátolmmoš sáhttá ovdamearkka dihte leat son gii lea bealálaš hálddašanáššis maid mii guorahallat, dahje geas leat deaŧalaš beroštumit čadnon áššái.
Jus Siviilaáittardeaddji mearrida guorahallat du ášši, de sáhttá du váidda ja du vejolaš ođđa dieđut sáddejuvvot dan hálddašanorgánii maid don váiddát.
Stuoradiggi vállje Siviilaáittardeaddji juohke njealját jagi. Dán áigodagas siviilaáittardeaddji lea Hanne Harlem.
Stuoradikki hálddahusa bearráigeahččanáittardeaddji (Siviilaáittardeaddji) galgá bearráigeahččat almmolaš hálddahusa ja buohkaid geat leat dan bálvalusas eastadan dihte vuoigatmeahttunvuođaid ovttaskas olbmuid vuostá, ja váikkuhit ahte hálddahus vuhtiiváldá ja sihkkarastá olmmošvuoigatvuođaid.