Dát ferte leat mielde váidagis

Mii galgá leat mielde váidagis?

Buohkat geat oaivvildit ahte hálddašanorgána lea eahpevuoiggalaččat meannudan singuin, sáhttet váidit Siviilaáittardeaddjái.

Ovdalgo váiddát siviilaáittardeaddjái, fertet don leat geavahan buot eará váidinvejolašvuođaid.

Váidda galgá leat čálalaš ja das galgá leat

Geavat Mu siiddu (sisaloggen ID-porteniin (ID-verráhiin)) jus sáhtát. Skovvi čájeha váidinproseassa lávkkiid mielde.
Jus dus ii leat elektrovnnalaš ID, de sáhtát geavahit Siviilaáittardeaddji váidinskovi vaikko it leat loggejuvvon sisa.
Jus it sáhte geavahit Mu siiddu dahje váidinskovi, de sáhtát sáddet váidaga reiven poastta mielde. Sádde váidaga Siviilaáittardeaddji, Postboks 3, Sentrum, 0101, Oslo.
Čilge oanehaččat manne don it leat ovttamielalaš hálddašanorgána mearrádussii.

Jus don váiddát konkrehta mearrádusa, bija mearrádusa mielde.
Bija áinnas eará dokumeanttaid mielde mat sáhttet čilget ášši, ovdamearkka dihte reivve dahje dokumentašuvnna hálddahusas.
Bija álo mielde guoskevaš dokumeanttaid. Siviilaáittardeaddji ii sáhte viežžat dokumeanttaid neahttasiidduin.
Jus váiddát guhkes áššemeannudanáiggi dahje váilevaš vástádusa, de fertet bidjat mielddusin kopiija sihke vuosttaš jearaldagas hálddahussii ja čálalaš muittuhusaid.
Mii bivdit ahte don muittuhat guovtte geardde ja bijat muittuhusaid mielde.

Jus leat bivdán geahččanlobi ja it leat ožžon vástádusa viđa bargobeaivvis, de mearkkaša dat seammá go geahččanlobi hilgun.
Don sáhtát váidit hilguma. Vuos fertet sáddet ođđa jearaldaga hálddašanorgánii (ovdamearkka dihte suohkanii) ja bivdit dan meannudit dan hilguma váiddan.
Jus it vel oaččo vástádusa, de sáhtát váidit bajit hálddašanorgánii (ovdamearkka dihte stáhtahálddašeaddjái).
Jus it velge oaččo vástádusa, de sáhtát váidit Siviilaáittardeaddjái. Muitte bidjat mielde kopiijaid dain váidagiin maid leat sádden hálddašanorgánii.