Informasjonstekst på nordsamisk: Váidin Siviilaáittardeaddjái
- Siviilaáittardeaddji gálgá bearráigeahččat almmolaš hálddahusa dan váras ahte hehttet boasttuvuođa ovttaskas olbmo vuostá.
- Don sáhtát váidit Siviilaáittardeaddjái jus oaivvildat ahte don leat gillán eahpevuoiggalašvuođa dahje boasttuvuođa almmolaš hálddahusas. Sáhttá leat ovdamearkan jus don oaivvildat ahte okta ášši dahje mearrádus lea boastut meannuduvvon, dahje ahte don leat gillán boasttuvuođa.
- Siviilaáittardeaddji lea bearráigeahččanorgána mii ii leat čadnon hálddašeapmái ja sáhttá dahkat riekti- ja objektiivvalaš árvvoštallama du váidalusas.
- Lea nuvttá váidit Siviilaáittardeaddjái.
Goas sáhtát váidit Siviilaáittardeaddjái?
- Go hálddahus (almmolaš eiseválddit nu go suohkan, stáhtahálddašeaddji dahje direktoráhtta) leat dahkan loahpalaš oaivila du áššis, de sáhtát váidit midjiide. Don fertet álggos geavahan iežat rievtti váidit hálddahussii ovdal go váiddát Siviilaáittardeaddjái.
- Jus du váidda guoská njoazes áššemeannudeapmái dahje ii leat vástiduvvon, de sáhtát váidit Siviilaáittardeaddjái dan botta go ášši ain lea siste meannudeapmái. Muitte fal ahte fertet leat vuos vuorjan vástádusa. Vuorjan ferte leat čálalaš ja leat mielde go váiddát Siviilaáittardeaddjái.
- Don fertet váidit jagi sisa.
Gii sáhttá váidit Siviilaáittardeaddjái?
- Buohkat sáhttet váidit.
- Don sáhtát váidit earáid ovddas maid, muhto de fertet bidjat fárrui fápmudusa sis (dokumeantta mii addá dutnje lobi doaibmat earáid ovddas).
Maid sáhtát váidit?
- plána ja huksema
- oaju ja penšuvnna
- dearvvašvuođa- ja fuolahusbálvalusaid
- sosiálaveahki ja mánáidsuodjalusa
- virgáibidjanáššiid
- vearuid ja divvagiid
- olgoriikkalaččaidáššiid
- almmolašvuođa ja áššeoahpásmuvvama
- politiija ja áššáskuhttima
- ealáhus, eanandoalu ja boazodoalu
- kriminálafuolahus / rihkusfuolahus
- Suodjalusveaga
Lassin vel meannuda Siviilaáittardeaddji máŋga váidaga go lea guhkes áššemeannudanáigi ja váilevaš vástádusat.
Maid it sáhte váidit?
- duopmostuoluid mearrádusaid
- áššiid maidda Stuoradikkis lea oaivil
- mearrádusaid maid stáhtaráđđi lea dahkan (ráđđehusa čoahkkimis)
- goabbatoaivilvuođaide priváhta persovnnaid gaskka
- áššiide mat leat mearriduvvon suohkanstivrras dahje fylkadikkis (muhtin spiehkasteamit)
- áššiid maid sáhttá váidit EOS lávdegoddái (Stuoradikki bearráigeahččanlávdegotti diehtoohcan, vákšun ja sihkarvuođa bálvalus)
Movt váiddát?
- Vuos fertet geavahan buot váidinvejolašvuođaid hálddašeamis. Váldde oktavuođa dainna almmolaš orgánain mii lea dahkan mearrádusa vai doppe oaččut bagadallama iežat áššis.
- Geavat Siviilaáittardeaddji váidinskovi:
váidinskovi dárogillii
váidinskovvi eŋgelasgillii - Don berret vâidit juo go dárogillii dahje eŋgelasgillii.
- Muitte mildosiid. Bija mielde dehálaš dokumeanttaid.
- Go leat sádden váidima, de oaččut duođaštusa ahte váidin lea sáddejuvvon. Don de oaččut mis vástádusa golmma vahku sisa.
Oktavuođadieđut
Váldde oktavuođa Siviilaáittardeddjiin jus leat eahpádusas sáhttá go Siviilaáittardeaddji meannudit du váidaga, dahje movt čállit váidaga. Min telefovdnaguovddážis leat Siviilaáittardeaddji bargit geat hállet dárogiela ja eŋgelasgiela.
Telefovdna: +47 22 82 85 00 (árgabeivviid dii. 10–14)
Ruoná nummar: 800 800 39
E-poasta: postmottak@sivilombudet.no
E-poastta berre geavahit go leat eaŋkilis gažaldagat main eai leat hearkkes dahje persovnnalaš dieđut.
Jus it sáhte geavahit min váidinskovi, de sáhtát sáddet čálalaččat ja vuolláičállojuvvon váidaga dán čujuhussii:
Poastačujuhus:
Sivilombudet
Postboks 3 Sentrum
0101 Oslove
Fitnančujuhus:
Akersgata 8, Oslove