Denne nettsida er for barn og ungdom som vil vite meir om kva Sivilombodet gjer, og kva som skjer når førebyggingseininga kjem på besøk til ein institusjon. Her kan du òg lese rapportane vi skriv etter besøk, finne kontaktinformasjon og sjå kven som arbeider i førebyggingseininga til Sivilombodet.
Sivilombodet har ei avdeling, førebyggingseininga, som jobbar for at menneske som er fråtekne fridomen skal bli behandla på ein god og respektfull måte.
Erfaringane dine er viktige for at vi skal få god kunnskap om staden vi besøkjer, og for at vi skal kunne kome med gode tilrådingar om kva som kan gjerast annleis.
Etter kvart besøk skriv vi ein rapport om den staden vi har vore. I rapporten kjem vi med tilrådingar om kva som kan gjerast betre.
Sivilombodet behandlar klager frå enkeltpersonar på avgjerder tekne i det offentlege. Du har rett til å klage viss du føler deg urettvist behandla.